የአዲስ አበባ ከተማ አስተዳደር የከተማ ውበትና አረንጓዴ ልማት ቢሮ ቀደም ሲል የተፋሰስና አረንጓዴ አካባቢዎች ልማት ቢሮ ፤ የውበት ፣ መናፈሻና ዘላቂ ማረፊያ ልማት አስተዳደር ቢሮ ተብሎ ሲጠራ የተሰጠውን ተልዕኮ ለማሳካት በ2001፣ 2003 ፣ 2008 እና እና 2011 ዓ.ም መሰረታዊ የአሰራር ሂደት ለውጥ ጥናት (BPR) በማድረግ ወደ ተግባር የገባ ሲሆን በእነዚያ ጊዜያት የተካሄዱ ጥናቶችን ተግባራዊ በማድረግ ወጪ ቆጣቢ፣ ቀልጣፋና ውጤታማ ስራዎችን በመስራት ከተማዋ በኢትዮጵያና በአፍሪካ መዲናነቷ እንዲሁም በበርካታ ዓለም አቀፍና አህጉር አቀፍ ድርጅቶች መቀመጫነቷ ሊኖራት የሚገባውን የአረንጓዴ ልማትና የውበት ደረጃ ላይ እንድትገኝ ለማድረግ ጥረት ሲያደርግ ቆይቷል፡፡ ሆኖም ቢሮው ከተማዋን ሊመጥን የሚችልና እያደገ የመጣውን የህብረተሰቡ የከተማ ውበት ፣ አረንጓዴ ልማትና መዝናኛ ቦታዎች ፍላጎት ማሟላት ባለመቻሉና እንዲሁም የተፋሰስና አረንጓዴ አካባቢዎች የተፈጥሮ ፀጋዎች በሚጠበቀው ልክ በማልማት ለከተማዋ የገጽታ ግንባታ ተገቢውን አስተዋጽኦ ማበርከት እንዲችሉ ማድረግ ስላልተቻለ በአዋጅ ቁጥር 62/2010 የተፋሰስና አረንጓዴ አካባቢዎች ልማት ቢሮ በሚል እንዲዋቀር የተደረገ ሲሆን የከተማ አስተዳደሩ አስፈጻሚ አካላትን እንደገና ለማዋቀር ባወጣው አዋጅ ቁጥር 64/2011 ለቢሮው ተጨማሪ ተግባራትን በመስጠት እንደገና ሲዋቀር በ2011 ዓ.ም የመሰረታዊ ስራ ሂደት በማጥናትና አደረጃጀት በመፍጠር ሲሰራ ቆይቷል፡፡